ඌ අදහන්න වටින කොල්ලෙක්.මං වගේම හිත හොද එකා..!!

අපේ පොඩි එකා මට වඩා අවුරුදු පහක් බාලයි.වෙලාවකට ඒකා මහා වාතයක් ඒත් වෙලාවකට හිතෙනවා එහෙම නෑ කියලත්.නංගි මා එක්ක ෆිට් නිසා මං  නංගි එක්ක ඕනේ එකක් කියනවා ඒත් මල්ලි එක්ක කියන්න පුළුවන් දේවල් අඩුයි.ඌට දෙයක් කියන්න කලින් දෙපාරක් හිතන්න ඕනේ ඒත් අනේ මන්දා ඌ හරි අමුතුයි තේරුම් ගන්න අමාරුයි.පොඩි කාලේ ඌට බැන්නොත් සමහර වෙලාවට අඩාගෙන දුවනවා ඒත් සමහර වෙලාවට කැති මන්න උස්සන් ගේමට එනවා.ඌත් නිකන් නුවර කාලගුණේ වගේ

ඌට මොකක් හරි වැඩක් කරගන්න ඕනේ උනොත් උදේ හවස කෝල් කර කර මං ගැන විස්තර හොයලා අන්තිමට උගේ වැඩේ ගැන අහනවා උදේට කෝල් කරන්නෙත් පට්ට උදෙන් දෙයියනේ ඒ වෙලාවට මං නැගිටලත් නෑ ඌ මුලින්ම අහන්නේ අයියේ කොහොමද කියලා නේ ඉතින් බනින්න හිතෙන්නෙත් නෑ  ඌ එහෙව් එකා.පොල් කඩන කාලෙට පොල් ගොඩෙන් පොල් උස්සලා ඒවා වේලලා කොප්පර කරලා තාත්තටම විකුණලා සල්ලි ගන්නවා.ඌ හෙන කට්ටයා.ඒත් ඌ ගැන මං හිතන් හිටියා වැරදි.එකගේ මට නොපෙනෙන හොද පැත්තක් තියෙනවා.

මං දෙයියනේ කියලා මගේ කුළුදුල් ප්‍රේමය පටන් ගත්තට පස්සේ නංගිට විස්තරේ කිව්වා ඒත් මල්ලිට ඕව කියන්න ගියේ නෑ මොකද ඕකට තරහ ගිය වෙලාවක ගෙදර මිනිස්සු ඉන්න තැන ඕක කියලා කෑගැහුවොත් අනාථයි නේ.මං ගෙදර ගියාම මගේ පෝන් එක වැඩියෙන් තියෙන්නේ පොඩි එකාගේ අතේ.මැසේජ් එකක් ආවත් අයියේ මැසේජ් එකක් ආව කියලා ගෙනත් දෙනවා මං එකට රිප්ලයි කරලා ආයේ පොඩි එකාට පෝන් එක දෙනවා ඩිලිවරි රිපෝට් එක එද්දී පෝන් එක එද්දී පෝන් එක උගේ අතේ ඒත් ඌට කාටද යැව්වේ කියලා බලාගන්න වෙන්නේ නෑ ඌ හැමදාම දකින්නේ මඩවතිගේ නමේ මුල් අකුර විතරයි.කොහොම කොහොම හරි ඕක දැකලා දැකලා මල්ලි දවසක් නංගිට කියනවාලු.

"අක්කේ දන්නවද අයියා කෙල්ලෙක් යාලු කරන් කියලා?"

"නෑ මල්ලි මට කිව්වේ නෑ "

"බබා වෙන්න එපා, අක්කට අයියා ඔක්කොම කියනවා නේ මට නොකිව්වට"

"නෑ නෑ මට කිව්වේ නෑ"

"කොහොම හරි "*" අකුරෙන් පටන් ගන්න කවුරු එක්ක හරි යාලු වෙලා ඉන්නේ" 

"ඔයත් අයියා මැසේජ් කරන වෙලාවක ෆෝන් එක අරන් බලන්න ඩිලිවරි රිපෝර්ට් එක එද්දී නම වැටෙනවා" 

"මං අයියගෙන්  අහලා බලන්නද ?"

"අඃ මේ  අක්කා පැත්තකට වෙලා ඉන්න ඒ කට්ටියට ඒක කරගන්න දීලා "

"අනුන්ගේ දේවල් හොයන්නේ නැතුව අක්කට ඉන්නම බෑ නේ "

මේ සිද්ධියෙන් පස්සේ පොඩි ඒකා ගැන මගේ හිතේ පැහැදීමක් ඇති උනා ඌ සිද්ධිය දැනගෙනත් නංගිටත් කියලා අහන්න එපා කියලා.නංගි උනත් සිරා එයත් සීන් එක දැනගෙන මල්ලි අහද්දී කියලා තිබ්බෙත් නෑ කොහොම කොහොම හරි දෙන්නා මාව ශේප් කළා.අනිත් සිද්ධිය උනේ ඊයේ පෙරදා.

මගේ තුන් අවුරුදු simbian ප්‍රේමයට කෙල උන නිසා අම්මගෙන් ලෝන් එකක් දාලා Android ප්‍රේමයක් කැන්දන් ආවා.ඒත් මං ඒක කැන්දන් ආවේ සිම්බියන් එකී ඉද්දීමයි,ඒක අබලන් උනත් පාවිච්චි කරන්න පුළුවන් තත්වේ තිබ්බා ඒත් මං ඒක පොඩි එකාට දුන්නේ නෑ මොකද එහෙම දුන්නා නම් ඌ අනිවා අහනවා කාගෙන්ද සල්ලි ?කොහෙන්ද?අම්මා අයියට සල්ලි දෙනවා නම් මටත් ඕනේ .ඔය වගේ කේස් නිසා මං ඌට නොදුන්නේ.කොහොම හරි මං මේ ලගදි ගෙදර ගිය වෙලාවක ඌට මගේ ලග පෝන් එක තියෙන වග මාට්ටු වෙලා.ඒකා මට මොකුත් කිව්වේ නෑ .නංගිට කියලා

"අයියා අර පෝන් එක විකුණලා නෑ අක්කේ "

"කොහොමද දන්නේ?"

"මං දැක්කා අයියගේ බෑග් එකේ තියෙනවා"

"මං ඉතින් පොර ගෙන් ඇහුවේ නෑ ඇහුවා නම් කට උත්තර නැති වෙනවා නේ"

"කොහෙන්ද දන්නේ නෑ  නේ අක්කේ අලුත් එක ගන්න සල්ලි"

"මං හිතන්නේ අක්කේ අර අක්කා අරන් දෙන්න ඇත්තේ"

"අයියා යාලු කරන් තියෙන්නේ හොද සල්ලි තියෙන අක්කා කෙනෙක්ද කෙහෙද "

"අක්කා අයියට ඕක කියන්න එපා!!!!!!!!!!!!!!!!!!!!!!!!"

මෙහෙම වෙද්දී ඉතින් ඌ වාතයක් කියලා අතඇරලා දාන්න බෑ නේ.ඌ අදහන්න වටින කොල්ලෙක්.මං වගේම හිත හොද එකා.මට මෙච්චර කල් උගේ අගේ තේරිලා නෑ නේ.මෙවන් මල්ලිලා සදා වාසනා.....!!!!!!!!!!!!!!