කරුමේද නැත්නම් කාලකන්නිකමද .........!

           කලණ පොඩි කාලේ ඉදන්ම හැදුනේ ආච්චිගේ ලග අම්මා හිටියේ රට තාත්ත ගැන නම් වැඩි විස්තරයක් නෑ.අම්ම රට ඉදන් සල්ලි හම්බ කරලා එවනවා ආච්චි ඒවගෙන්  කලණ උගන්නවා.කොහොම කොහොම හරි  කලණ උසස් පෙළ කරන කාලෙට එනවා.උසස් පෙළ කරලා පලවෙනි පාර හොද ප්‍රතිපලයක් නොලැබුනත් දෙවෙනි පාර හොද ප්‍රතිපල අරගන්නවා.ඒ ප්‍රතිපලේ ගාල්ල දිස්ත්‍රික්කේ තිබ්බ ප්‍රතිපල වලින් හොදම එකක්.කිසිම අවුලක් නැතුව කොළඹ වෛද්‍ය පීඨයට ඇතුල් වෙන්න පුළුවන් එත් මේ ළමයට උමනාව තිබ්බේ මයික්‍රෝ බයලොජි කරන්න එත් ගෙදරින් මේ කැමැත්තට දැඩි අකමැත්තක් විරුද්දත්වයක් දැක්කුවා.ඉතින්  කලණ කොච්චර දැගලුවත් එයාගේ ආසාවට ඉඩ ලැබුනේ නෑ අන්තිමට අම්මගේ සහ ආච්චිගේ හිත සනසවන්න අකමැත්තෙන් වෛද්‍ය විද්‍යාව ඉගන ගන්න කැමතිවෙලා සරසවියට ඇතුල් වෙනවා. 

                කලණ ට එතන අමුතු තැනක් උනේ නෑ මොකද උසස් පෙළ කාලේ එකට හිටිය යාලුවොත් කලණ එක්කම වෛද්‍ය පීඨයට තේරිලා තිබ්බ නිසා.ගෙදර සන්තෝස කරන්න කියලා  කලණ මේකට ආවට හරියට වැඩක් කළෙම නෑ.විභාහගේ කාලෙට යාලුවෝ සෙට් එක පාඩම් කරද්දී මේ මනුස්සය ගෙදර නැත්නම් බෝඩිමේ අදට වෙලා සැපට නිදි.යාලුවෝ කෑගහල කෑගහලා රිපීට් වෙන ඒව කෙරෙව්වා අවුරුද්දක් විතර යාලුවන්ගේ කටේ බලේට Batch එක මාරු නොවී එක්සැම් කරව කරවා තියා ගත්ත එත් හැමදේකම සීමාවක් තියෙනවා යාළුවන්ට ඇදන් යන්න සීමාව ඉවර උනා. කලණගේ රිපීට් එන්න එන්න වැඩි උන නිසා  කලණ   පහල Batch එකට දානවා.

         මේ කාලේ කලණ  කැම්පස් ආවට වඩා ගෙදර හිටියේ.ඒ අතර තුර පොඩි කම්පියුටර් බිස්නස් එකක් පටන් අරන් එක වෙන කෙනෙක්ට බාර දීල තිබ්බේ.පරිගණක ක්ෂේත්‍රය ගැන උනන්දුවක් තිබ්බ නිසා එකවත් හරියට කලොත් කියලා ගෙදරින් එකටත් උදවු කරනවා . එහෙම ඉදල ඉදලා කැම්පස් යන ගමන ඇත අරලාම දානවා. ඊට පස්සේ මේ මනුස්සය ගැන වැඩි විස්තරයක් තිබ්බේ නෑ මොකද ඔක්කොම දේවල් අරන් ආයේ ගමට ගිය නිසා.

       ටික දවසක් ආයේ එක එක  දේවල් කර කර ඉදලා කලන කසාද බදිනවා.කසාද බැන්දට ජෝඩුව ඉන්නේ මහ ගෙදර අම්මත් රට ඉදන් ඇවිත්.මේ විකාර නවත්තලා ආයේ අලුත් ජීවිතයක් පටන් ගන්න කියලා හිතන් කලණ පිලිපිනේ විශ්ව විද්‍යාලයකට ඇතුල්වෙනවා වෛද්‍ය විද්‍යාව ඉගෙන ගන්න.අච්චර අර නිකන් ඉගෙන ගන්න තියෙද්දී එක දමල ගහලා ඇවිත් පිටරට ගිහින් ඉගෙන ගන්න එක මහ  අමු ගොන් තකතීරු වැඩක් උනත් ගෙදරින් කමක් නෑ මේ පාරවත් හැදෙයි නේ කියලා එකටත් අම්මා වියදම් කළා.එත් කොහෙද කුඩැල්ල මෙට්ටේ තියන්න බැලූ නේ මේ යකා ඒ ඔක්කොම දමල ගහල ගිහින් මාස 6ක් ඇතුලත ලංකාවට එනවා.

එකත් එහෙමම ඇරලා ආයේ අම්මා මු කැමති මයික්‍රෝ බයලොජි වලට නේ කියලා එක කරන්නත් ලොකු ගානක් වියදම් කරලා යවනවා එත් එකට මේකා ආස උනත්  එක හරියට කරන්නෙත් නෑ එකත් මග නවත්තලා දානවා.

       හොද ප්‍රතිපල අරන් කැම්පස් යන්න සෙට් උනා  කියන්නේ එකා  මොකුත් නොතේරෙන මැටිමෝලෙක් නෙමේ නේ උගන්නන දේවල් තේරෙනවා නේ හොදට.කලින් අකමැති දෙයක් කරන්න කියලා බල කළා කියලා ඔක්කොම අත්හැරිය කියලා හිත හදාගත්තා කියමුකෝ එත් ආස කරන එකේ ඉගන ගන්න ගියාමත් එකත් මග ඇත ඇරලා ආවහම මොකද්ද කියන්න තියෙන්නේ .කලනගේ යාලුවෝ ගිය අවුරුද්දේ කැම්පස් එකෙන්  Out උනා දැන් ඒ ගොල්ලෝ දොස්තරලා වෙලා.එත්  කලණ කසාදෙකුත් බැඳලා ගෙදරට වෙලා අම්මගෙන් යැපී යැපී ඉන්නවා....................................මේක කරුමේද නැත්නම් කාලකන්නිකමද .........!

ප.ලි:මේක අපේ බෝඩිමේ හිටිය අයිය කෙනෙක් ගැන කතාවක්.එයාගේ යාලුවෝ දොස්තරලා වෙලා දැන් බෙහෙත් දෙනවා.එය ගෙදරට වෙලා ඔහේ ඉන්නවා.ඒ අයියට වඩා ගොඩක් පොඩි අපිට තේරෙන ජීවිතේ බරපතලකම එයාට මෙච්චර කල් ගිහිල්ලත් නොතේරුන එකයි මට පුදුමේ .