තංගල්ල බැංකු ශාඛාවක් මඩයාගේ ජීවිතය බේරයි.........!!

උසස් පෙළ කාලේ කියලා වෙනසක් උනේ නෑ අපි ඒ කලෙත් මොන්ටිසෝරි පොඩි උන් වගේ පන්තියේ ඉන්ටවල් එක දුන්න ගමන් කෙළගෙන කඩේට දුවනවා කන්න.ඒක එහෙම කලේ එකක් මුලින්ම ගියාම ඕනේ විදිහට කාලා එන්න පුළුවන් අනිත් එක තමා කාලා ඉක්මනට ඇවිත් පන්තියේ ඉන්න එකෙක්ව බයිට් කරන් ෆුල් සොමියක් දාගෙන ඉන්න පුළුවන් එක.අපේ සැට් එක වැඩියම ආස කලේ පන්තියේ ඔය ජෝගි නටන එකට තමා,අපි සාමාන්‍යයෙන් කන්න යන්නේ රොටරියේ වල පැත්තෙන් ගිහින් පොළ මැද්දෙන් ගිහින් පහලට බැහැලා 15 කඩේට.

එදා කාගේ පන්තිද තිබ්බේ කියලා මතක නෑ,අපි සෙට් එක කන්න යන්න පල්ලම් බැස්සා එදත් වෙනදා වගේ කොහොමත් පන්ති ගියාම මායි මයිලයි තමා ඉස්සරහින් යන්නේ අපි දෙන්නට කතා කරන්න ඕනේ තරම් පච තිබ්බා සහ අපි වැඩිපුර විවාදයට බදුන් කලේ ඒ කාලේ ගෑණු දරුවන්ගේ ඇදුම් පැළදුම් ගැන සහ අපිට සිරික්කිය නොදැමීම ගැන සහ අපේ සෙට් එකට ඇර අනිත් හැම එකාටම කෙල්ලෝ සිටීම ගැන.ඕව ගැන කොච්චර කතා කලත් අපිට තාම ඒවා කතා කරලා ඉවර කරගන්න බැරි උනා.

රොටරිය ප්‍රධාන වැසිකිලිය පහු කරන් යද්දී වලට බහින පඩි පෙලේ නෙමේ උඩට යන එකේ යන්න ආවත් ආව වේගෙට අපිට යන්න උනේ නෑ මොකද ඒ වෙලාවේ තවත් පන්තියකට ළමයි ගොඩාක් පොළ පැත්තෙන් රොටරිය ඇතුලට එන්න අරන් තිබ්බා ඉතින් එතන නිකන් අනේ මන්දා කොහොම හරි අපි කට්ටියගේ බෙලි බඩවල් පාගාගෙන සුපුරුදු පුරුද්ද ඒ කියන්නේ වට පිට ඇහැලෑම සහ ඒ පිලිබඳ ගැඹුරට විමසීම,

ඔය පඩිපෙළ නැගගෙන නැගගෙන යද්දී මං දන්නේ නෑ මට මොකක් උනාද කියන්න දන්නේ නෑ කවුරු හරි කකුලෙන් ඇද්දද ,නැත්නම් පය පැටලුනාද කියන්න දන්නේ නෑ මට එක පාරටම මැවුනේ මාව ඊලගට උඩින් ගිහිල්ලා දෙපාරක් බම්ප් වෙලා බිම වැටෙන සිං එකක්,ඔය සිද්දි හිතේ මැවෙන අතරේ මට ඇහෙනවා  මගේ හිත මුමුණනවා  එක පාරට " **තෝ  වැටෙනවා නම් ළග ඉන්න එකෙක් අල්ලා ගනින් වැටෙන්න යන ඕනේ එකෙක් කරන්නේ ඔය වැඩේ තමා "කියලා.අනේ ඉතින් මගේ හිත කියන දේ නාහ මං කවුරු කියන දේ අහන්නද

ගිලෙන්න යන එකා පිදුරු ගහෙත් එල්ලෙනවයි කියලා නේ  කියන්නේ ඉතින් ඒක නිසාම තව මොහොතකින් බඹර පිනුම් ගසා හොම්බ තලා ගැනීමට යන මගේ හොම්බ ගැන ඇතිවූ අවංක අකලංක පිවිතුරු ආදරය නිසා මං ලගින්ම තිබ්බ එක අහු වෙයන් කියලා තනි අතින් ලගම තිබ්බ එක දෝත බදලා අල්ලා ගත්තේ තවත් දරදඩු උරහිසකින් මාගේ ජීවිතය බේරාවී යැයි යන පරම පිවිතුරු අවංක කුළුඳුල් අකලංක බලාපොරොත්තු හිතේ පෙරදැරිවය.

අහෝ .....මට මේ දැනෙන්නේ කුමක්ද ????දැන් උරහිස් දරදඩු නැද්ද????ඒවා මෘදු මොලොක් වී ඇද්ද?මාගේ අතට දැනුනේ තනිකර අමුතුම මෙව්වා එකකි මගේ හිත මේ අමුතු හැගීම මොකද්ද මේ අමුතු දැනිම මොකද්ද කියලා විපරම් කරද්දී තමා මගේ ඇස් දැක්කේ ඒ මොකද්ද කියලා.මට හිතාගන්න බෑ මං ඒ තත්පර 10 ඇතුලේ  ඒ උන සිද්දි ටික,ඕව් ඇත්තමයි එතන උනේ මොකද්ද කියලා ඒ ළමයා දැක්ක නිසා ලජ්ජාවෙන් උනත් මොකුත් නොකියා එතනින් ගියා,ඒ ගෑණු ළමයා සිද්දිය දකින්නේ නැතුව ඒ උන දේවල් උනා නම් මගේ හොම්බ බිම නොඇනුනත් කන පුරා කාන්තා පිය සටහන් හිටින්න තිබ්බා.වැඩේ මටත් මීටර් නිසා මාත් ක්ෂණිකව වාෂ්ප උනා.අපේ උන් මං වැටෙන්න යනවා උනාට බේරුන විදිහ දැකලා තිබ්බේ නෑ මං සිද්ධිය කිව්වට පස්සේ නම් කට්ටියගෙන් මං හොද කුණු කතා ටිකක් අහගත්තා මොකෝ උන්ට තියෙන්නේ හොද කටවල් යෑ