මෙහෙව් අම්මලා!!!!!!!!!!!!!!!!!!!!!!!!!!!!!!

ගොඩාක් වෙලාවට බස් එකට  නැගපු ගමන් සිට් එකක් හොයන් වාඩි වෙන්නේ මාලඹේටම යන්න තියෙන නිසාත් ඒ යන අතරේ බුකිය පැත්තටත් බ්ලොග් ලෝකේ පැත්තටත් ගොඩ වෙන්න පුළුවන් නිසයි.බස් ඒක කියන්නේ හරි අමුතු තැනක් එතැනදී අපිට එක එක ජාතියේ මිනිස්සු හම්බ වෙනවා.සමහර ඒවා දැක්කම කලකිරෙනවා.එකමයි බස් එකට නැග්ග ගමන් මං වාඩි වෙලා ෆෝන් එක ඇතුලට මුණ ඔබා ගන්නේ.මං පහුගිය අගහරුවාදත් සුපුරුදු පරිදි බොරැල්ලෙන් බැහැලා එතන තිබ්බ 190 CTB  බස් එකට නැග්ගා ඔෆිස් යන්න.


මං ෆෝන් එකේ අතරමං වෙලා ඉන්න අතරේ ඔලුව පොඩ්ඩක් ඉස්සුවේ පහලටම නවන් ඉදලාම බෙල්ල රිදෙන නිසයි.ඒ ඔලුව උස්සන අතරේ මගේ ඇස් වලට එකපාරට කෙලි පැංචියෙක් අහු උනා ආයේ පාරක් බැලුවේ කවුද මේ කියලා බලන්න,හත්දෙයියනේ!!!! මගේ ඇස් රැවටිලා මං දැකලා තියෙන්නේ මහ එකියක් වගේ ඇද ගත්ත චුටි එකියක් .ඒ කෙල්ලට වයස 11 විතර ඇති.ඒ ළමයා මං වාඩි වෙලා හිටිය තැන පහු කරන් ගියා විතරයි ඒ ක්‍ෂනිකයෙන් ඒ ළමයාගේ පිටි පස්සේ ආපු ඇන්ටි ඇවිත් මගේ කර උඩින් එයාගේ කද,බඩ ගෙනත් තියලා එයාගේ නෙමේ වගේ ඉන්නවා ඒ මදිවට ඇන්ටිගේ තංගල්ල බැංකු ශාඛාව මගේ කණ ඉඹිනවා.

මට මේක වදයක්.ඒ මදිවට ඒ ඇන්ටි පොඩි එකාට බයිනවා

"ඇයි මා ලගට ආවේ??"

"ඔයා තාත්තා ලග ඉන්න එපැයි" කියලා

පොඩි එකාව ලග තියං හිටියේ ළමයා එයාගේ නෙමේ වගේ.අම්මා වෙනම දෝණි වෙනම.දෝණි පොඩ්ඩක් එහෙට උනාට පස්සේ ඇන්ටි මට හේත්තු වේගෙන ඉන්න ගමන්ම ගත්තා එයාගේ අතේ තිබ්බ ෆෝන් එක එක අරන් මගේ ඇස ඉස්සරහට තියන්ම ඩයල් කළා එටිසලාට් නම්බර් එකක්.මං බයෙ හිටියේ ඒ මනුස්සයා කර උඩ නැගලා හිටියා මදිවට ෆෝන් එකෙනුත් දමලා මගේ ඇහැට අරිවී කියලා.

"හෙලෝ මේ මං කතා කරන්නේ "

"අද මං ගන්නකන් මට ගන්න එපා"

"අද මහත්තයත් ආවා මා එක්ක."

ඒ කෙටි සංවාදේ එතනින් ඉවරයි,ටිකකින් කෙලි පැංචි මාවත් පහු කරන් එයාගේ අම්මවත් පහු කරන් පිටි පස්සට යන්න හැදුවේ එයා එතන අම්මා ලග හිටියත් අම්මගෙන් කිසි රැකවරණයක් එයාට නැති නිසයි.

"ඇයි පුතේ ඔයා යන්නේ??"

"අම්මා ලග ඉන්න පැටියෝ"

"නෑ අම්මේ මං තාත්තා ලගට යන්නම්!!!!!!!!!!"

"හා එහෙනම් ඔයා යන්නකෝ."

ඒ ගැනු දරුවා එයාගේ තාත්තගේ උණුසුම ආදරේ හොයන් තත්තා ලගට ගියාට පස්සේ එටිසලාට් නම්බරෙකින් ඇන්ටිට කෝල් එකක් එනවා.

"අද මහත්තයා මා එක්ක එනවා කිව්වා"

"එයා ආවොත් ඔක්කොම අවුල් වෙනවා"

"මං ගිහින් කියන්නම් ඔයාට එයා අපි එක්ක එනවද කියලා"

"අනේ ඒක නිසා මං ගන්නකන් අද කෝල් ගන්න එපා මහතත්යා නැත්නම් බලාවි මොකද කියලා."


ඇන්ටිගේ සරුවාන්ගේ බර ඔක්කොම නොදැනී ගිහිලා මගේ හිත පුරා පිරිලා ගියේ අනේ මෙහෙව් අම්මලා!!!!!!!! කියන  වචන දෙකන්

ප.ලි: අම්මලා මෙහෙම වේ* කමේ යන්න ගත්තාම එක තාත්තට සහ දරුවන්ට කරන පට්ට කුහක වැඩක්.

ප.ප.ලි : ජොබ් එකට යන නිසා දැන් පට්ට බිසී,මොකද රෑ ඇවිත් බ්ලොග් කියවන්න නෙට් එන්නේ නෑ මං රෑට ඇවිත් පාඩම් කරනවා.දැන්ම කරේ නැත්නම් විභාගේ කිට්ටු කරලා මට හොද නැටුම් නටන්න වෙනවා විභාගේ ගොඩ දාන්න.අන්න එක නිසා කට්ටිය මට සමාව දෙන්න.මං බස් එකේ යද්දී සහ ඔෆිස් එකේ ඉදන් සයිට් එකට යද්දී ඒ අතරේ කරන්නේ බ්ලොග් කියවන එක,ඉතිං පුලුපුලුවන් විදිහට කියවලා ෆෝන් එකෙන්ම කමෙන්ට් කරනවා.