පයිරට්ස් ඔෆ් ද කැරිබියන් පස් වන මණ්ඩලයේ තිරගතවූ වගයි ...!

අපේ බෝඩිමේ ඉන්න ඔක්කොම වගේ ෆිල්ම් පිස්සෝ.ඉස්සර සමහර දවස් තිබ්බා එක දිගට එකම ෆිල්ම් සිරිස් එක බලනවා.ඒ බලන්නේ කාමරේ හොදට කළුවර කරලා ෆිල්ම් හෝල් එක වගේ හදලා තමා.ඉස්සර නම් ෆිල්ම් එකක් හම්බ උන ගමන් කට්ටිය ඔක්කොම සෙට් වෙලා එක පාර තමා බලන්නේ .මොකද නැත්නම් අන්කල්ගේ මුණ පළුවක් නැති බෙරේ වගේ වෙනවා නේ ලයිට් බිල දැක්කම.


දැන් මේ බෝඩිමේ අවුරුදු 5ක් තිස්සේ ඉන්නවා නේ.මුල් දවස් වල ඉතින් දැන් වගේ නෙමේ අම්බානට පිස්සු නැටුවා මාර ෆ්‍රී එකේ හිටියේ ඕනේ තරම් වෙලාව තිබ්බා ෆිල්ම් බලන්න ෆිල්ම් බලල බලල ඇතීම වෙලා වෙලාවක් තිබ්බොත් තමා පාඩම්  කරන්නේ අපි ඒ තරම් උනන්දුවෙන් වැඩ කළා ඒ කාලේ.අනික ඒ කාලේ දැන් වගේ ලේසියෙන් ෆිල්ම් බලන්න බෑ.ඉස්සර එක එකාට වෙන්න ලැප් තිබ්බේ නෑ ඉන්ටර්නෙට් තිබ්බේ නෑ සබ්වුෆර්ස් තිබ්බේ නෑ.කවුරු හරි කොහෙන් හරි අමාරුවෙන් හොයන එන dvd  එකක් හරි dvdrip එකක් හරි තරංග අයියගේ ඩයිනොසර් වගේ ලොකු ඩෙස්ක්ටොප් මැෂින් එකෙන්  ෆිල්ම් එක බැලුවේ චුටි ස්පිකර් දෙකකින් තමා සවුන්ඩ් තිබ්බේ.එහෙම දුක් විදලා අමාරුවෙන් ෆිල්ම් බැලුව අපි high  quality  සවුන්ඩ් එක්ක high  quality එකේ ෆිල්ම් බලනවා. :)

අපේ සෙට් එක  ඒ දවස් වල "පයිරට්ස් ඔෆ් ද කැරිබියන්" ෆිල්ම් සිරිස් එකට පට්ට පිස්සුවෙන් හිටියේ. ඉස්සර විතරක් නෙමේ තාමත් ඒ ෆිල්ම් සිරිස් එකට මන් අසයි .ඊලග එක එනකන් ඉවසුම් නැතුව හිටියේ කට්ටියට ඒ තරම් අසාවෙන් හිටියේ එකට කොහොම හරි ඔහොම යද්දී දවසක් මටයි ධබාටයි මරු ෆිල්ම් එකක් සෙට් උනා.ඉතින් අපි දෙන්න කතා උනා කට්ටියට හොද පෝරියල් එකක් සෙට් කරමු කියලා Plan කරලා සෙට් උනා.ඉතින් ඕක අරන් ඇවිත් කට්ටියට කිව්වා අහවල් ෆිල්ම් එක හම්බ උනා අපි බලමු කියලා.

අනේ ඉතින් අපේ ජනතාව සියලු වැඩ ඇතෑරලා සැදැහැ ඉතින් වැඩේට ලෑස්ති උනා කට්ටිය කාමරේ අදුරු කරලා දොරවල් වහලා ෆුල් ෆිට් එකේ ඉන්නවා ෆිල්ම් එක බලන්න.මන් එත් බයේ හිටියේ මට කොයි වෙලා හිනායයිදෝ කියලා,හිනාවත් තද කරන මන් හිටියේ ස්පිකර් එකේ සද්දේ අඩු කරන බලාගෙන මොකද කරන්න යන නසරාණි වැඩේ අපි දන්නවා නේ ඔය එක එක සද්ද අන්කල්ට ඇහිලා ඒ මනුස්සයාගේ හිත දුෂණය උනොත් එක පාපයක් වෙනවා නේ බැරිවෙලා හරි මැද්දෙන් හිනා ගියොත් වැඩේ චෝර.කට්ටිය දෙයියනේ කියල කට අරන් දැන් ෆිල්ම් එක දිහා බලන් ඉන්නවා දැන් හෙමින්  හෙමින් මුල් ටික ගිහින් ෆිල්ම් එක පටන් ගන්නවා මුල් විනාඩිය දෙක යද්දී කට්ටියගේ මුණ ඇද වෙලා.මගෙයි ධබාගෙයි මුණු දිහා කන්න වගේ බලනවා

ඊට  පස්සේ කට්ටියට වැඩේ තේරුනා මොකද වෙලා තියෙන්නේ කියලා,උන් ගොන් හරක්ට තේරුනේ නෑ එක ෆිල්ම් එකක් ඇවිත් මාස 3ක් යද්දී ආයේ අලුත් කොටසක් එන්නේ නැති වග.ෆිල්ම් එක හම්බ උනා කිව්වා විතරයි උන් පිස්සුවෙන් වගේ දුවල ආව විතරයි කල්පනා කරලා බැලුවේ නෑ  කට්ටියට දහසක් බලාපොරොත්තු දීලා උන්ට් වැල ෆිල්ම් එකක් පෙන්වීමෙන් අප මහත් උද්දාමයට පත් වූ අතර අනෙක් උන් සියල්ලෝ අපව උදහසට ලක්කළහ














ප.ලි :-කට්ටියට තේරෙනවා නේ අපි උන්ට පෙන්නුවේ මොන ෆිල්ම් එකක්ද කියලා.ඒවගේ ඇදුම් ඔක්කොම පයිරට්ස් ඔෆ් ද කැරිබියන් එකේ ඉන්න උන් වගේමයි.captain america,scooby doo,super man වලත් මේ කියන ස්පෙෂල් එඩිෂන් එක තියෙනවයි කියල මන් අහලා තියෙනවා.කොහොම හරි දන්නෝ දනිති ;)